I CARUGI

O gente che passai per sti carugi

C'u passu sveltu, sensa verse inturnu

Andai ci adaju, candu de returnu

E ve truvai ancor in se i vosci passi.

Gardai si bausi vegli cume u tempu

Fairi parlar de couse ch'i angia viste

I ve diran canta gente friste

In an vistu assetae in se si banchetti

E pei si porteghi che pan faiti aposta

Per reparar dar cantu e ascì da l'aiga

Candu de voute e nu ave de paraiga

E u celu u manda u rugliu a l'impruvisu

E pei andendu, assai in pocu i egli

Lascì se veglie barcurae

Unde prima u gh'era e gente aregirae

Adessu u gh'e ci numa i papalighi

Cussi, u sue, passandu d'in sei teiti

U l'è resciu a carrae fin p'ù camin

E u sta geghendu cun in figlior peccin

Mentre ci in là u gh'è in gatu ch'u se striglia.

E pei lagì, in ser scaler de a porta

U gh'è igna veglia che a l'umbra a l'è asetaa

A starla a ver a ghe par sempre staa

Perché a l'à a pele in culur dè miraglie.

Adessu fermaive, che e seve tostu ar fundu

Gardaive ben sti carugi de PIGNA

E mi che de starghe e ai a fortigna

I me paresce i ci beli der mundi.

ANTONIO
REBAUDO